Njoftim për medie

Njoftim për medie

27 tetor 2016

Me rastin e shënimit të Vitit të Shtatë Gjyqësor të Gjykatës Kushtetuese të Republikës së Kosovës, në hotelin “Swiss Diamond Hotel” në Prishtinë, të enjten, më 27 tetor 2016, u mbajt Konferenca ndërkombëtare në temën: “Kontrolli incidental si mekanizëm kushtetues në sigurimin e kushtetutshmërisë së ligjeve në vendet në tranzicion”.

Konferencën e shpalli të hapur kryetarja e Gjykatës, znj. Arta Rama-Hajrizi, e cila në vazhdim bëri edhe një prezantim në temën: “Kontrolli incidental në fushëveprimin e Gjykatës Kushtetuese”.

Gjatë diskutimit, kryetarja Rama-Hajrizi, ndër të tjera, vuri theksin në faktin se, deri më tash, në Gjykatën Kushtetuese janë parashtruar vetëm tri kërkesa për kontroll incidental (konkret) të normave juridike nga gjykatat e rregullta. Ajo tërhoqi vërejtjen se “kontrolli incidental mund të jetë shumë i dobishëm për mbrojtjen e të drejtave dhe lirive të njeriut në Republikën e Kosovës, për shkak se e drejta e institucioneve për të kërkuar vlerësimin abstrakt të kushtetutshmërisë së një ligji kufizohet nga afatet kohore”.

Me prezantimet e tyre në vazhdim të konferencës u paraqitën edhe kryetari i Gjykatës Kushtetuese të Shqipërisë, z. Bashkim Dedja, kryetari i Gjykatës së Lartë të Shqipërisë, z. Xhezair Zaganjori, kryetarja e Gjykatës Kushtetuese të Maqedonisë, znj. Elena Gosheva, gjyqtarë të gjykatave kushtetuese të Portugalisë, të Turqisë dhe të Bullgarisë, si dhe përfaqësues institucionalë të vendit.

 

  • KI 114/16

    Vlerësim i kushtetutshmërisë së Aktgjykimit të Gjykatës Supreme të Kosovës [Api-Kzi-6/2011], të 25 shtatorit 2012, dhe i Aktgjykimit të Gjykatës Supreme të Kosovës [Ap-Kz. nr. 283/2009], të 19 prillit 2011

    16.05.2017
  • KI 23/16

    Vlerësim i kushtetutshmërisë së kohëzgjatjes së procedurës në Dhomën e Posaçme të Gjykatës Supreme për çështjet në lidhje me Agjencinë Kosovare të Privatizimit

    12.05.2017
  • KI 119/16

    Vlerësim i kushtetutshmërisë së “Vendimit SCL-11-0055 të Kolegjit të Apelit të Dhomës së Posaçme të Gjykatës Supreme të Kosovës për çështjet në lidhje me Agjencinë Kosovare të Privatizimit, të 7 qershorit 2016”

    12.05.2017
  • KI 02/17

    Vlerësim i kushtetutshmërisë së Aktgjykimit të Kolegjit të Apelit të Agjencisë Kosovare të Pronës të Gjykatës Supreme të Kosovës (GSK-KPA-A-015/2014, të 20 prillit 2016)

    10.05.2017